Bu dəfəki yazıda dizayna yeni başlayan həvəskarların ən sevimli effekti olan kölgə haqqında danışacam. Daha doğrusu kölgə və onun kiçik nəzəri-praktiki tərəfini Nigar xanımın tərcümə etdiyi məqalədə görmüşdük. Bu günki dərsin mövzusu konkret Corel Draw proqramında kölgə effektinin əldə olunması, Interactive Drop Shaddow aləti, bəzi tənzimləmələr haqqında olacaq.

Beləliklə, boş səhifə yaradıb istənilən mətni daxil edin və ya hər hansı bir obyekt çəkin.

Alətlər panelindən Interactive Drop Shaddow alətini aktivləşdirin.

Yaranan xüsusi görünüşlü ox işarəsi vasitəsilə obyektin (mətnin) üzərində klik edib, mausu buraxmadan müəyyən istiqamətə hərəkət etdrin.

Və mausun düyməsini buraxın. Beləcə keyfiyyətsiz və kobud olsa da, kölgə effektini almış oluruq.

Effekti yığışdırmaq üçün Nəzarət Panelindəki Clear Drop Shaddow düyməsini basın.

Kölgəni hazır müəyyən olunmuş şablon formalar əsasında da vermək olar. Bunun üçün Nəzarət Panelində, sol tərəfdə açılan menyudan istədiyiniz bir formanı seçin.

Belədə mausla heç bir hərəkət etmədən, qabaqcadan müəyyən olunmuş parametrlər daxilində kölgə effekti alınacaq.

Bu effektlə bağlı Nəzarət Panelində çox işlədəcəyiniz bir neçə praktik funksiya mövcuddur. Onların bəziləri ilə tanış olaq.

"Qədəh" və "lələk" şəkilli işarələr, belə deyək kölgənin görüntüsünü müəyyən edən əsas alətlərdir. "Lələk" işarəli parametri tənzimləməklə kölgənin yayılmasını, “qədəh” işarəsinin göstəricisini dəyişməklə şəffaflığını müəyyən edə bilərik.

Yuxarıdakı göstəricilərdən sonra şəkildə gördüyünüz effekti almaq olar.

Gördüyünüz kimi effekt çox kobud və qeyri-real oldu. Kölgə çox yayılıb və səliqəsiz görünür. Parametrləri dəyişək

Və nəticəyə baxaq.

Növbədə gələn Feather direction funksiyası ilə kölgənin yayılmasının istiqamətini (içəri, çölə və s.)

Feathering Edges funksiyası ilə yayılmanın künclərinin vizual görüntüsünü (xətti, kvadrat və s.) müəyyən etmək olar.

Kölgəyə rəng də vermək olar. Nəzarət Panelindəki rəng palitrasından istədiyinizi seçib, kölgənin rənginin necə olacağını təyin edin.

Kölgənin parametrlərini səliqəli görünüş alınana qədər tənzimləyib uyğun bir fonda yoxlayaq.

Məncə nəticəni qənaətbəxş hesab etmək olar. Təbii ki, yaxşı nəticə üçün konkret bir göstərici yoxdur ki, onu mütləq olaraq sizə deyim. Hər şey zövqə, dizayna, tapşırığa bağlıdır. Bundan əlavə kölgənin texniki tərəfləri ilə artıq keçmiş dərslərdə tanış olmuşduq.

Corel Draw proqramında kölgəni sadəcə obyektin arxasına yaymaqla deyil, obyektin şaquli şəkildə durduğu müstəviyə salmaqla da yaratmaq olar.

Nəzarət Panelindəki şablonları açıb haqqında danışdığımız uyğun effekti seçək.

Bu da effektin nəticəsi.

Nəticə hər zaman olduğu kimi bizi qane etmir. Nəzarət panelindən rəngi və şəffaflığı tənzimləyək. Yeri gəlmişkən bayaqkı parametrlərdən fərqli olaraq bu kölgə tipində daha iki parametr əlavə olunur. Kölgənin uzunluğunu və uc hissədə şəffaflığını müəyyən edən parametrlər.

Bu da yekun effekt.

İdeal olmasa da hazır effektə nisbətən daha yaxşı oldu. Yeri gəlmişkən tez-tez dizayn işlərində dizaynerlərin kölgə ilə “kobud və laqeyd” rəftar etdiklərini görmək olar. Hazır parametrlər tənzimlənmir, rəng ancaq qara, ya da mövzuya aid olmayan rəngdə olur. Bu da yekunda işin qeyri-professional olmasına gətirib çıxarır...

Sözüm bura qədər ))). azdizayner-də, növbəti dəsrlərdə görüşənədək, hələlik...