Proqramların texniki tərəfləri tədricən bizə aydın olduğundan, dizayn işinə başlaya bilərik. Bu dəfəki dərsdə Corel Draw proqramında sadə və modern "endirim kartı"nın hazırlanmasına baxacağıq. Corel Draw-da boş sənəd yaradıb, müəyyən ölçüdə düzbucaqlı çəkin. Sonra şəkildə gördüyünüz formada qradientlə rəngləyin.

Adətən kartların kənarları dairə şəklində olduğundan, eyni işi biz də təkrarlayaq. Bunun üçün düzbucaqlını aktiv edib Nəzarət Panelindən Corner Roundness parametrini tənzimləyək.

Nəticə belə olmalıdır.

Blend effekti ilə bağlı dərsi yada salıb aşağıdakı kimi bir qrafik element hazırlayaq.

PowerClip vasitəsilə obyekti kartın daxilinə yerləşdirək.

Sadə bir şriftlə "Endirim Kartı" sözünü yuxarı sağ tərəfə, qradientin mərkəz hissəsinə yazaq. Dinamik nəticə üçün yazını daha kontrastlı edək.

Kartın əsas mahiyyəti onun endirimi göstərən rəqəmində olacaq. Ona görə də iri ölçülü "5" rəqəmini yazıb "%" işarəsini nisbətən kiçik olmaqla rəqəmin yanına, yuxarı hissəyə qoyaq.

Rəqəmin çox böyük olmasının dizayna kobudluq verməməsi üçün, onu bir az fonda qarışdıraq. Bunun üçün rəqəmin rəngnini fondakı qradientlə verək. Bunu daha tez etmək üçün rəqəm və faiz işarəsini qeyd edib, menyudan Edit - Copy Properties From əmrini verək.

Açılan pəncərədən Fill (fon rəngi) parametrini aktivləşdirək.

OK düyməsini basdıqdan sonra yaranan qara ox işarəsi ilə fonun üzərində tıklayaq.

İndi də "5" fona çox qarışdı. Zəif və səliqəli kölgə verməklə problemi həll edə bilərik.

Sonda köməkçi yazıları və loqonu qoymaqla dizaynı tamamlamış olarıq.

Rəngləri oynatmaqla daha maraqlı nəticələr əldə etmək mümkündür.

Bu günlük bu qədər, növbəti dizayn dərslərində görüşənədək, hələlik...