Bundan əvvəlki mövzuda Corel Draw proqramında sadə vizitka dizaynının necə verildiyini gördük. Amma bu işin az bir qismi idi, necə deyərlər aysberqin görünən hissəsi. İndi isə vizitka dizaynında nəzərə alınması vacib olan nüanslardan danışaq. Bu amillər əksər hallarda nəzərə alınmadığına görə insanlar dəhşətli vizitkalar gəzdirməli olurlar. Onu da deyim ki, belə vizitkaya sahib olmaqda sahibinin də rolu çoxdur.

Beləliklə, ilkin tanışlıqlardan sonra Corel Draw proqramında ilk praktiki mövzunu işləyə bilərik. Dizaynerliyə başlayan və ya sadəcə həvəskar cəhdlər göstərən istənilən şəxs 99% hallarda ilk olaraq özünə və ya digər yaxınına vizitka hazırlamaqla başlayır. Lakin elə 99% halda da ifrat səliqəsiz bir iş çıxır ortaya: çoxrəngli, çoxeffektli, çoxşriftli, çoxelementli, çoxfotolu… bir “dizayn”.

Saytın ilk mövzusunda Azərbaycan dizaynının ağrılarından az da olsa danışdıq. Bu veb resurs daha çox praktik əhəmiyyət daşıdığından çox söz toplusu olan mövzulara yer vermək istəmirəm. Amma saytın yaranmasında məqsədin nə olduğunu, saytımızda hansı mövzulara yer veriləcəyindən bir az söz açmaq istərdim. İlk mövzumuzu oxuyanlar planlarımızın nə olduğunu asanlıqla müəyyən edə bilərlər.

Bu başlıq təsadüfən belə seçilmədi…

Ölkəmizin maddi durumunun yaxşılaşması hər bir evə şəxsi kompyuterlərin daxil olmasına şərait yaratdı. Birdən birə bu qədər “kompyuter istifadəçisi”nin meydana gəlməsinin nə ilə nəticələndiyini siz də gözəl bilirsininiz. Disk satış mərkəzlərində kino, oyun alıcılarının sayı artdı, mp3 yükləməyi təklif edən çoxsaylı internet saytlarımız meydana gəldi, milli və xarici müğənnilərin yarıçılpaq şəkillərinə baxıb şablon komentariyalar qoymaq üçün saysız-hesabsız veb resurslar ortaya çıxdı… Amma iş bununla da bitmədi.