Saytımızın Sual-Cavab bölümündə istifadəçilərdən biri, bu gün haqqında söz açacağımız sadə effektin necə əldə olunması haqqında soruşmuşdu. Həmin vaxt suala cavab verilsə də, hər kəsə aydın olsun deyə bu effektin alınması ilə sizi də tanış edirəm. Bu metodla siz veb-səhifələrə foto hazırlayarkən ona mətn də əlavə edə bilərsiniz.

Dərs üçün aşağıdakı fotonu seçdim. 

Layers (F7) pəncərəsində yeni qat yaradıb, alətlər panelindən Elliptical Marquee Tool (M) alətini aktiv edək.

Yeni qatda bu alətlə oval çəkib qara rənglə (və ya istədiyiniz digər rənglə) boyayaq.

Lazım olan yazını əlavə edək.

Artıq bilirik ki, mətn avtomatik olaraq qatlar pəncərəsində yeni qat əmələ gətirir. Ctrl düyməsini sıxıb saxlamaqla həmin qatın üzərində tıklayaq. Belədə yazı qeyd olunmuş olacaq (ətrafı ştrixli, hərəkətli xətlərlə əhatələnəcək).

Bu qatın qarşısındakı göz işarəsini basmaqla qatın görüntüsünü yox edək.

Sadəcə olaraq qeydolunma qalacaq. Yazı isə yoxa cıxacaq.

Qara oval çəkilmiş  qatı aktiv edib delete düyməsini basaq. Belə olduqda qeydolunmaya müvafiq hissə silinəcək.

Ovalın şəffavlıq faizini azaldıb (62%) rejimi Multiply edək.

Ovalın yerini müəyyənləşdirib son nəticəyə nəzər salaq.

Bu günlük də bu qədər. Hələlik...