Fotoşop proqramında qatlarla (layers) tanışlıq mövzusunu davam etdirək. Birinci dərsdə qeyd etmişdim ki, qatlar Adobe Photoshop proqramının əsas funksional tərəfidir və buna görə də bu mövzunu bir neçə dəfəyə işləməyi qərara aldım. Keçən dəfə qatlarla ümumi əməliyyatların necə aparıldığını öyrəndik. Bu dəfəki dərsdə, daha praktik mövzu olan Layer Style (Qat stili) ilə tanış olaq. İlk öncə yeni sənəd yaradıb (Ctrl+N) istənilən bir mətn daxil edək.

Onu da qeyd edim ki, stil tək mətnə deyil istənilən qata tətbiq edilə bilər. Mən işin asan olanına qaçıb mətni seçdim )). Bundan əlavə praktikada işləyəcəyimiz mövzu daha çox mətnə tətbiq edilir.

OK və Cancel hamıya tanış olan təsdiq və imtina düymələridir.  

New Style – Kifayət qədər praktik olan bu funksiyanı eyni stildən təkrarən istifadə edəcəyimiz zaman tətbiq edə bilərik. Məsələn hər hansı bir mətnə müəyyən stil verdik, bunun üçün Layer Style pəncərəsinin funksiyaları ilə çox dəqiq işlədik və nəticə bizi qane etdi. Növbəti dəfə eyni əməliyyatları təkrarlamamaq üçün New Style düyməsini basırıq və açılan pəncərədə stilə ad veririk. Belədə stilimiz Proqramın stil şablonunda qalacaq. Hazır stillərə müraciət etmək üçün Adobe Photoshop-da ayrıca Styles pəncərəsi mövcuddur: Window – Styles. Eyni şablonları elə Layer Style pəncərəsinin ən birinci siyahısından da görmək mümkündür.

Preview xanası aktiv olarkən Layer Style pəncərəsindəki edəcəyimiz dəyişiklikləri birbaşa qatın özündə görə bilərik. Əgər bu funksiya aktiv deyilsə, o zaman stil dəyişiklikləri yalnız Preview xanasından bir az aşağıda yerləşən kvadrat görüntü xanasında əks olunacaq. Gəlin sözü uzatmadan funksiyarı öyrənməyə cəhd edək.  

Drop Shadow

– ən birinci funksiya obyektə kölgə effekti vermək üçün istifadə edilir. Burada Opacity kölgənin şəffaflıq faizini göstərir. Reallıqda da kölgə əsasən obyektin üzərini tam örtməyib sadəcə onun üzərində şəffaf “rəng örtüyü” əmələ gətirir. Buradakı faiz göstəricilərini dəyişməklə də obyektin kölgəsinin intensivliyini müəyyən edə bilərik. İlkin vəziyyətdə bu göstərici 75%-ə bərabərdir. Kölgənin düşmə istiqamətini-bucağını Angle parametri müəyyən edir. Növbədə gələn 3 funksiya kölgənin ölçülərini bilavasitə təyin edirlər.

Distance – Məsafə, kölgənin obyektdən nə qədər uzaqlıqda olduğunu göstərir. Burdakı rəqəmlər artdıqca kölgə də uzaqlaşır.

Spread – Yayılmanın necə olduğunu müəyyən edən bu bölmədə rəqəmlər artdıqca kölgə daha sərt, kobud olur. Rəqəm sıfıra yaxınlaşdıqda isə kölgə daha təbii görkəm alıb axıcı olur.

Size – Ölçü, kölgənin ölçüsünü göstərib onun qalınlığının nə qədər olduğunu göstərir. Sıfır halında kölgə tam itir, bu göstərici artdıqca kölgənin yayılma arealı da genişlənir.

Quality bölməsindən kölgə üçün hazır konturlar da verə bilərsiniz. Buradakı şablonları aktivləşdirib kölgənin necə dəyişdiyini izləmək olar.

Yuxarıda izah etdiyim funksiyalar demək olar ki, Layer Style pəncərəsinin bütün bölmələrində var və ona görə də eyni şeylərə təkrar toxunulmayacaq.

Ardıcıllığı pozub birbaşa Rəngi müəyyən edən Color bölməsinə keçid alıram.

Satin – Atlaz kimi tərcümə olunan bu funksiya eyniadlı effekti verir.

Gradient Overlay

Pattern Overlay – rəng və ya rəng keçidlərinin əvəzinə müxtəlif fonları qoymaq istəyənlər üçün maraqlı bir effekt.

Stroke (Cizgi)

Effektləri aktivləşdirib OK düyməsini basdıqdan sonra obyektin müvafiq formada dəyişdiyinin şahidi oluruq. Əgər nə isə bizi qane etmirsə yenidən həmin qatın Layer Style pəncərəsini açıb dəyişikliklər edə bilərik.

Layers pənəcərəsində bu effektlər də altqatlar kimi görünür. Qatlarla edilən bəzi əməliyyatları onlara da tətbiq edə bilərik. Yəni çox asanlıqla silmək, gizlətmək, kopyasını çıxartmaq və s. mümkündür.