Salamlar bu gün biz photoshop-un, daha doğrusu onun filtrlərinin çox gözəl məharətlərindən biri olan olan, köhnə şəklin restavrasiyası və onun rənglənməsini öyrənəcəyik. Gəlin valideyinlərimizi sevindirək, evliliklərinin il dönümü üçün onlara gözəl bir hədiyyə edək )))).

Qeyd: bu əməliyyatlar üçün AKVİS-in Retoucher və Coloriage filterləri lazım olacaq. İnternetdən axtarıb rahatlıqla yükləyə bilərsiniz.

Mən internetdən tapdığım köhnə bir şəkil üzərində əməliyyata başlayıram.

Gördüyünüz kimi şəkil xeyli zədələnib. İlk öncə dağılmış əraziləri select (qeyd) edirik. Bunun üçün mən alətlər panelinin aşağı hissəsində yerləşən Quick Mask düyməsini basaraq eyniadlı rejimə keçdim (Quick Mask – cəld maskalama). Sanra Brush tool (B) alətin seçib lazımı yerləri fırçaladım. Qeyd olunası ərazilər şəffaf qırmızı rəngə boyanır. İşimi başa çatdırdım və sonra Q düyməsini basaraq Quick Mask rejimindən çıxıram. Bu qayda ilə rənglədiyim əraziləri seçmiş oldum.

Ardınca Filter-lərdə AKVİS-ə məxsus Retoucher filterin seçirik.

Açılan pəncərədə play düyməsinə basaraq. Bu filtrin nələrə qadir olduğunun şahidi olun.

Alınmış nəticəni daha da təkmilləşdirmək üçün Patch tool (J), Spot healing brush (J)-dan istifadə edə bilərsiniz. Ardınca lazımı ərazidə işləmək üçün Crop tool (C)-dan istifadə edə bilərsiniz.

Təxminən nəticə bu formada olmalıdır. Gördüyünüz kimi şəkildə olan zədələr aradan qaldırılmışdır...

İndi isə bu şəkli rəngləməyin vaxtıdır. Əməliyyatı daha rahat aparmaq üçün onu ağ-qara edirik (SHİFT+CTRL+U) və ardınca curves ilə (CTRL+M) cizgiləri dəqiqləşdiririk...

Yenidən gəlirik filter bölümünə və bu dəfə AKVİS-in Coloriage filtrini seçərək əməliyyata başlayırıq. Sağda lazimi olan rəng kombinasiyaları mövcuddur: Saç, dəri, göz, dodaq, parça, daş və s. Lazım olanları seçib, sadəcə olaraq adi şəkil kimi rəngləməyə başlayırsınız. Ardınca play düyməsinə basırsınız...

Gördüyünüz kimi cəmi bir rəng seçdiyimə görə bütün şəkil ona uyğun rəngləndi.

Deməli nə etməliyik? Davam etməliyik )))) Yuxarıda əvvəl (before- до) düyməsinə basıb əvvələ qayıdırıq və rəngləməyə yenidən davam edirik.

Ardınca yenidən play düyməsinə basırıq. Əgər nəticə sizi qane edirsə, “tətbiqetmə” (применить) işarəsinə basaraq nəticəni götürük.

Nəticə zənnimcə zövq oxşayandır. Bir az Curves (CTRL+M), Hue/Saturation (CTRL+U) və Levels (CTRL+L) vasitəsilə rəng korreksiyası veririk. Şəkil müqayisəyə hazırdır.

Rənglənməyə dair misal üçün daha bir nümunə: Meg Ryan...

Hörmətlə İlkin HAQVERDİYEV