Keçən dəfəki dərsdə fotonun emalı zamanı sharp-dan (kəskinlikdən) necə istifadə olunduğunun şahidi olduq. Bu dəfə isə eyni nəticəyə alternativ metodlarla nail olacağıq. Yüngül rəng korreksiyası da etməklə maraqlı bir nəticə əldə olunacaq. Beləliklə başlayaq...

İstənilən, bir o qədər də kəskin olmayan foto açaq.

Orijinal qatın dublikatını çıxaraq (ctrl+J). Menyudan High Pass adlanan filtri aktiv edək.

Nəticədə belə bir pəncərə açılacaq.

High Pass nəticəsində fotonun ümumi fonu boz rəng alır, obyektin cizgiləri isə tündləşərək fondan ayrılır. Cizgilərin səliqəli olması üçün radiusu optimal bir həddə saxlamaq lazımdır. Nəticədə qatlar pəncərəsində belə bir görüntü olmalıdır.

Üst qatın rejimini Normal-dan Overlay-ə keçirək.

Bu addımdan sonrakı nəticə belə olmalıdır.

Foto kəskin görüntü aldı. Amma gəlin biz bu görünüşü bir az da kəskinləşdirib daha emosional foto əldə edək. Bunun üçün bizə Sharpen Tool lazım olacaq.

Fotonun ölçüsündən asılı olaraq alətin radiusunu və sərtliyini təyin edək. Bunun üçün Sharpen Tool alətini aktiv etdikdən sonra fotonun üzərində mausun sağ düyməsini basın.

Alət vasitəsilə fotodakı kişinin saqqal, bığ, dodaq və gözlərinin üzərində ehtiyyatlı hərəkət etməklə aşağıdakı görüntünü ala bilərsiniz.

Əlavə olaraq fotoya kontrast verək. Ctrl+M vasitəsilə Curves pəncərəsini açıb, S-şəkilli əyri prinsipi ilə istədiyimiz nəticəni ala bilərik.

Fotonun rəngi bir az çox olduğundan, onu bir az rəngsiz hala gətirək. Ctrl+U vasitəsilə Hue/Saturation pəncərəsini açaq. Şəkildə gördüyümüz kimi Saturation göstəricisini sola doğru dəyişək.

Bütün bu əməliyyatlardan sonra ilkin foto aşağıdakı hala gələcək – daha kəskin, daha dinamik və neytral rəngli.

Beləcə azdizayner-də fotoemala həsr olunmuş daha bir mövzunun sonuna gəldik. Növbəti fotoşop dərslərində görüşənədək, hələlik...