Rəng keçidlərini standart metodlar deyil, bir az fərqli üsullarla əldə etməyə çalışaq. Belədə keçidlər daha axıcı olur. Bundan başqa standart qradient metodlarında keçidlər konkret qanunauyğunluqlarla (düz xətt, dairə, konus üzrə və s.) olursa, öyrənəcəyimiz metodlar bu işdə bizə sərbəstlik verir.

Beləliklə, dərsə başlayaq. Müəyyən ölçülü sənəd hazırlayıb istədiyiniz rəngdə rəngləyin.

Layers pəncərəsində yeni boş qat yaradın

Arxa və ön rəngləri müəyyənləşdirin. Mən fondan çox fərqlənməməsi üçün aşağıda gördüyünüz yaxın tonları seçdim.

Brush Tool -u (B) aktiv edək.

Ölçüsünü sənədə görə bir qədər iri götürək. Hər iki rəngdə dairələr çəkək. Dairələrin tam düşməsi mütləq deyil. Fırça ilə işləyərkən arxa və ön rənglərin yerini dəyişmək üçün klaviaturanın “X” düyməsini basın. Və ya rənglərdən yuxarı-sağda yerləşən ikibaşlı, əyri oxu klik edin.

Kəskin dairələri bulandırıb fona qarışdıraq. Bunun üçün menyudan Blur-Gaussian Blur əmrini verək.

Açılan pəncərədə bulanma ölçüsünü kifayət qədər böyük götürək.

OK düyməsini basıb nəticəyə baxaq.

Layers pəncərəsindən background (fon) qatını qeyd edib, bir daha filtrlərə müraciət edək – Render-Lens Flare.

Açılan pəncərədən işıqlanmanın mənbəyini dəyişməklə digər göstəricilərə toxunmayaq.

Mətn daxil etməklə dizaynımızı tamamlaya bilərik.

Bir az fərqli metoda nəzər salaq. Yeni sənədə bir az fərqli rəng verək.

Rənglərimizi yenə yaxın tonda seçirik.

Brush Tool –u təkrar aktiv edirik. Sənəddə mausun sağ düyməsini klik edərək parametrləri tənzimləyirik.

Sənədin yuxarı sol kənarında klik edək.

Fırçanın ölçüsünü bir az böyüdək.

Bu dəfə arxa rəngi üzə keçirək (X). Aşağı sağ küncdə bir dəfə klik edək.

Qradient əsasən hazır oldu. Aşağı sol və yuxarı sağ küncləri bir az tündləşdirsək nəticəmiz daha uğurlu olar. Bunun üçün Burn Tool –u (O) aktiv edək.

Dediyim künclərdə böyük ölçüdə olmaq şərtilə bir-iki dəfə klik edib, bu yerləri tündləşdiririk.

Yenə mətni daxil edək.

Bir az dinamiklik çatmır. Köməyimizə yenə filtrlər gələcək. Əvvəlcə mətn qatının dublikatını çıxardaq (Ctrl+J). Sonra altdakı qatı aktiv edib menyuya daxil olaq.

Motion Blur pəncərəsində ölçünü yenə artırırıq.

Bu da ikinci nəticə.

Hər iki metodda iki rəngdən istifadə etdik. Birinci üsulu bir az fərqli tərzdə yerinə yetirək. Fonu ağ saxlamaqla fırçayla fonda çoxsaylı, rəngarəng dairələr çəkək.

Gaussian Blur-la fonu bulandıraq.

Fonu tündləşdirmək üçün Levels-ə (Ctrl+L) mürəacəit edək.

Mətni daxil edib Blending Options-la yazının kənarlarına zəif işıqlanma verək. Eyni obyekti çoxaldıb ölçüsünü, şəffaflığını, qat rejimini və rənglərini oynatmaqla aşağıdakı nəticəni alaq.

Beləliklə, Adobe Photoshop-da fonu və ya obyekti rəng keçidləriylə boyamaq üçün kifayət qədər metod bilmiş olduq. Azdizayner.com saytında növbəti dizayn və fotoşop dəsrlərində görüşmək ümidiylə, hələlik...